ከኢትዮጵያ ህዝብ ኣርበኞች ግንባር ዘብ የተሰጠ መግለጫ

በኣሁኑ ወቅት መላው የኢትዮጵያ ህዝብ እያካሄደ ያለውን ህዝባዊ ማእበል እንደግፋለን። ህብረተሰባችን በራሱ ተነሳሽነት እያደረገ የሚገኘውን ወያኔን የመጋፈጥ እንቅስቃሴ የራስ የማድረግ ስራ ግን እንቃወማለን። መላው የኢትዮጵያ ህዝብ በተለይም ባለፉት 25 ኣመታት በዘረኛው የወያኔ መንግስት ስር ወድቆ የሰላም፣ የፍትህ እና መልካም ኣስተዳደር እጦት ወስጥ እንደሚገኝ ኣለም የሚያውቀው ነው። ይህ ግፍና መከራ የበዛበት ጀግናና ትእግስተኛ ህዝብ ግን ኣንድ ቀን ትግስቱን ጨርሶ በጨቋኙ ላይ እንደሚነሳ ይጠበቅ የነበረ ጉዳይ ነው። የኢትዮጵያ ህዝብ ኣርበኞች ግንባር ዘብም ይህ ኣይነት ስር ነቀል እምቢ ባይነት እና ህዝባዊ ማእበል በወያኔ ቡድን ላይ እንዲመጣ የራሱን ድርሻ ሲወጣ ቆይቷል። ይኸው እውን ሆኗል። ዛሬ በመላው ኦሮሚያ እና በሰሜኑ ያገራችን ክፍል በጎንደር ኣካባቢ የተፋፋመ ህዝባዊ ኣመጽ በመካሄድ ላይ ይገኛል።
ወያኔም የሚያደርገው ጠፍቶት የተለመደ የጭካኔ ዱላውን ተቃዉሞውን በሰላማዊ መንገድ ለመግለጽ በሚወጣው የኢትዮጵያ ህዝብ ላይ እያሳረፈ ይገኛል። ይህም ሆኖ ትግሉ ላይ ማፋፋሚያ ነዳጅ ይጨምርበት እንደሆነ እንጅ እሳቱን እንደማያዳፍነው የታመነ ነው። ያም ሆኖ ግን ትግሉ የተናጠል ሳይሆን የመላ ህዝባችንን የጋራና ኣንድነት ትግል የሚጠይቅ ነው። ስለዚህ የኦሮሞ ተወላጅ ወገኖቻችን ኣያካሄዱ ያሉትን ፍትሃዊ ተቃዉሞ መላው የኢትዮጵያ ህዝብ እንዲቀላቀለው እና ድጋፉን እንዲገልጽ ጥሪ እናቀርባለን። ለዘመናት ተከብራ የኖረችው ኣገራችን ድንበር ተቆርሶ ለሱዳን ኣይሰጥም ብሎ የሞት ሽረት ተጋድሎ እያደረገ ያለው የጎንደር ህዝብንም የኢትዮጵያ ህዝብ ኣርበኞች ግንባር ዘብ እንደተለመደው ከትግሉ ጎን መቆሙን ይገልጻል።
የወልቃይት ና ጠገዴ ህዝብ ያለፍላጎቱ በትግራይ ስም የኖረበትን ዘመን ሽሮ ወደ ኣማራነቱና ጎንደሬነቱ ለመመለስ እያደረገ ያለውን እንቅስቃሴም ኣንደግፋለን። መላው ኣገር ወዳድ የሃገራችን ህብረተሰብም ከጎንደር ህዝብና ከኦሮሞ ህዝብ ጎን በመሆን የራሱን ኣገራዊና ታሪካዊ ድርሻ እንዲወጣ ጥሪ እናስተላልፋለን። ይህ ካልሆነ ግን ምን ኣልባትም ኣሁን እየተቀጣጠለ ያለው ፍትሃዊ እምቢባይነት ወደ ግቡ ለመድረስ ጊዜ ይወስድበታል። ኢህኣዴግ ከመከፋፈል ምን ያህል እንደተጠቀመ ህዝባችን ባለፉት ኣመታት በሚገባ ተረድቶታል። ይህ በእንዲህ እንዳለ ህዝባችን በራሱ ተነሳሽነት እና መሪነት እያደረገ ያለዉን ህዝባዊ ኣመጽ ከሩቅ ሆነው የሚመለከቱና እጃቸው የሌለበት ኣንዳንድ ሃይሎችና ግለሰቦች የነሱ ስራ እንደሆነ ኣድርገው የሚሰጧቸውን መግለጫውች የኢትዮጵያ ህዝብ ኣርበኞች ግንባር ዘብ በጥብቅ ይቃወማል። ምክንያቱም ይህ ህዝባዊ ማእበል ጊዜውን ጠብቆ የተፈጠረ ህዝባዊ ኣመጽ ነው። ይህን ታሪካዊ እንቅስቃሴ ከህዝብ ወስዶ ወደራስ ማስጠጋት የህዝብን ትግል እንደመንጠቅ ይቆጠራል።
ለኢትዮጵያ ኣንድነት ሳይሆን ለሃገሪቱ መበታተን ሃይማኖትንና የመሳሰሉትን ሽፋን በማድረግ የባእዳን ኣገር ተልእኮን ለማስፈጸም የሚንቀሳቀሱ ኣካላትንም ድርጅታችን በጽኑ ያወግዛል። ለመብታቸው መከበር እጅና እግራቸውን ይዘው በወጡ በኦሮሚያና በጎንደር ሰላማዊ ሰልፈኞች ላይ እየተካሄደ ያልው ዘግናኝ ግድያና እስራትም ባስቸኳይ እንዲቆም እንጠይቃለን።


ድል ለመላው የኢትዮጵያ ህዝብ። ቀብር ለወያኔ።
ከኢትዮጵያ ህዝብ ኣርበኞች ግንባር ዘብ ፕረስ ክፍል።

ታህሳስ 2008 ዓ. ም.

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s