ጠቅላይ ሚኒሰትራችነ ነጋዴዎች እስር ቤት እንዳላቸው ነገሩን:: (ግርማ ሠይፉ ማሩ)

እስር ቤት ያደራጁ ነጋዴዎች ካሉ በይፋ ለህዝብ ይፋ መደረግ ይኖርበታል

ግርማ ሠይፉ ማሩ
ግርማ ሠይፉ ማሩ

ባለፈው ማክሰኞ ጠቅላይ ሚኒስትሩ ከምሁራን ጋር ውይይት ደርጋሉ የሚለውን መረጃ ሰምቼ፣ ቅርባቸው ነው ላልኩት ሹም በስብሰባው እንድገኝ ጥያቄ አቅርቤ ነበር፡፡ ዋናው ምክንያቴ ባለፈው ምክር ቤት ተገኝተው ባቀረቡት ሪፖርት ላይ አንድም የምክር ቤት አባል የሪፖርታቸውን ይዘት መሰረት አድርጎ በዚህ ገፅ በዚህ መስመር እንዲህ የሚለው ልክ አይደለም ማለቱ ቢቀር ይብራራ የሚል ሰው ባለማግኘታቸው በዚሁ አጋጣሚ እድል ቢያገኙ በሚል ነበር፡፡ ለማነኛውም የተገኙት ተሳተፊዎችም ቢሆኑ የዋዛ የማይባል ጥያቄ ማንሳታቸውን እኛ አድማጮ ደግሞ በተሰጠው ማብራሪያ ሳይሆን በጥያቄዎቹ መስመር ላይ መሆናችንን ማሳታወስ ግድ ነው፡፡ ምን ማለት ነው፡፡ ይህች ሀገር ነፃነት ያለው ህዝብ መኖሪያ አይደለችም፡፡ ጋዜጣኛም፣ ነጋዴም፣ ፖለቲከኛም፣ ተማሪም፣ ወዘተ በነፃነት የሚኖርበት ሀገር አይደለም፡፡

ጠቅላይ ሚኒሰትሩ ደረታችሁን ነፍታችሁ የምትሄዱት በሚል ከናይሮቢ ጋር ያደረጉት ንፅፅር በምንም መመዘኛ ትክክል አይደለም፡፡ ኬኒያዊ የኬኒያ መንግሰት ስጋቱ አይደለም፡፡ እኛ ግን መንግሰታችን ስጋታችን ነው፡፡ በእኛ ሀገር ሀፈና የሚፈፀመው ሊጠብቅህ በሚገባ መንግሰት ነው፡፡ ኢትዮጵያ ደግሞ እስከ ዛሬ ከሸብርተኛ ቡድን ነፃ የሆነችውን ጠቅላይ ሚኒሰትሩ ስምም ፆታም አልገልፅም ብለው ነገር ግን እስከ አያት ስሟ የነገሩን ጋዜጠኛ ርዕዮት ዓለሙ ጉቤቦ በማሰራቸው አይደለም፡፡ ኢትዮጵያዊ በዚህ ደረጃ ለሸብር የደረሰ ሰነ ልቦና ስለሌለው ነው፡፡ ርዕዮትን የፈቷት በግፊት መሆንን ማመናቸው አንድ ነገር ሆኖ በህገወጥ ሁኔታ በእስር እንደነበረች ግን የምንረሳው አይደለም፡፡ (የፍርድ ቤቶች ውሳኔ ልክ ነው ቢባል እንኳን የእስር ጊዜ ጨርሳ አንፈታም ብለው አስረው ነበር ያስቀመጧት)፡፡

ጠቅላይ ሚኒሰትራችነ ነጋዴዎች እስር ቤት እንዳላቸው የነገሩን ነገር ብዙ የሚገርም አይደለም፡፡ በእኛ ሀገር ኤምባሲዎች እስር ቤት እንደነበራቸው ይውራ ነበር (ኤርትራ ኤምባሲ)፡፡ ይህ ግን የሚሆነው በመንግሰት የደህንነት ሰዎች ድጋፍና ትብብር ብቻ ነው ሊሆን የሚችለው፡፡ ጠቅላይ ሚኒስትሩ አሁንም የትኛው ነጋዴ የት ቦታ እስር ቤት አደራጅቶ ከማን ጋር ይስራ እንደነበር በግልፅ በስም ሊገልፁልን በዚሁ ሁኔታም ክስ ተመስርቶ ማየት እንፈልጋል፡፡ (Name and Shame)፡፡ የነጋዴ ነገር ከተነሳ ነጋዴ በሙሉ ሌባ ነው ያሉትን ግን ትክክለኛ የንግድ ምክር ቤት ተወካይ ቢኖር ይቅርታ እንዲጠይቁ ማድረግ ነበረበት፡፡ ይህ ሁሉ ነጋዴ ግብር እየከፈለ ያቆማትን ሀገር ሁላችሁም ሌቦች ናችሁ ማሰር ብንፈልግ ማለት በፍፁም ልክ አይደለም፡፡ ጠቅላይ ሚኒስትራችን አንድም ቀን በንግድ ተሳትፈው ስለማያውቅ ነጋዴዎች ትርፍ ለማሳደግ ሚወሰዷቸው እርምጃዎች በሙሉ የሌብነት ስራ ነው፡፡ ህጋዊ የሆነ የታክስ መቀነስ እንቅስቃሴ በትምህርት/በህውቀት (Legal Tax Evation) የተደገፈ መሆኑን የሚነግራቸው አማካሪ የላቸውም፡፡
አሁንም ዜጎችን ከሰላማዊ ትግል ወደ ትጥቅ ትግል እየገፋ ያለው መንግሰት መሆኑን፣ ሌባ ያሉትን ነጋዴ ይቅርታ መጠየቅ እንደሚገባ፣ እስር ቤት ያደራጁ ነጋዴዎች ካሉ በይፋ ለህዝብ ይፋ መደረግ ይኖርበታል፡፡

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s