የሐገረ ስብከቱ ስራ አስኪያጅ የፓትርያርኩን ትዕዛዝ አልተቀበሉም

yemane-zemenfes

የአዲስ አበባ ሀገረ ስብከት ስራ አስኪያጅ ሊቀ ማዕምራን የማነ ዘመንፈስ ቅዱስ ለልጃቸው ሕክምና የገንዘብ ርዳታ የወሰኑላቸውን የእንጦጦ ኪዳነ ምሕረት ገዳም 10 የአስተዳደር ኮሚቴ አባላትን ከሥራና ከደሞዝ ካገዱ በኋላ  ፓትርያርኩ እግዱን ሽሪያለሁ ቢሉም ሰዎቹ ወደመደበኛ ስራቸው መመለስ አልቻሉም፡፡

ሊቀ ማዕምራን ለታማሚ ልጄ  ማሳከሚያ በማለት ገንዘብ በማሠባሰብ ላይ እንደነበሩ መነገሩና ሰነዶችም ለእይታ መቅረባቸው አይዘነጋም፡፡ ከእንጦጦ ኪዳነ ምህረት ገዳም ብቻ ግማሽ ሚሊዮን ብር የገዳሙ አስተዳደር ኮሚቴ እንዲሰጣቸው ቢወስንም፤ የገዳሙ ሒሳብ ሹም ክፍያውን አልፈጽምም በማለታቸው ውዝግብ ተፈጥሮ እንደነበር ይታወቃል፡፡

የቀድሞው የኢቴቪ የትግርኛ ፕሮግራም ዜና አንባቢ መረጃው ለህዝብ ይፋ ከተደረገ በኋላ የገዳሙን አስተዳደር በመሰብሰብ  ከስራና ከደሞዝ ያሰናበቷቸው መሆኑን አሳውቀዋቸዋል፡፡

የአስተዳደር ኮሚቴው አባላት እግዱ ከተላለፈባቸው በኋላ ወደ ጠቅላይ ቤተክህነት በማምራት የተፈጠረውን ነገር ለፓትርያርክ አቡነ ማቲያስ በማስረዳት ወደስራቸው እንዲመለሱ ያደርጉ ዘንድ ይማጸናሉ፡፡አቤቱታውን ያዳመጡት ፓትርያርኩ፤ የሀገረ ስብከቱን ሥራ አስኪያጁን እገዳ በማንሳት የገዳሙ የአስተዳደር ኮሚቴ አባላት ወደ መደበኛ ሥራቸው እንዲመለሱ ለሀገረ ስብከቱ ጽ/ቤት በላኩት ደብዳቤ አስታውቀው ነበር፡፡

የገዳሙ አስተዳደር ኮሚቴ አባላት በተከታዩ ቀን ወደመደበኛ ስራቸው ለመመለስ ወደገዳሙ ቢያመሩም መግባት እንደማይችሉ ተነግሯቸው በሀዘን ወደመኖሪያ ቤቶቻቸው መመለሳቸውን ለማወቅ ተችሏል፡፡

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s